Хувьцаа гэж
юу вэ?

Хувьцаа гэдэг нь аливаа нэгэн компанид оруулсан хувь, хэмжээгээрээ хувь эзэмшиж буйг баталж буй, арилжигдах боломжтой үнэт цаасыг хэлдэг. Хувьцаа эзэмшигч болсноор, хувьцаа эзэмшигчдийн хуралд саналын эрхтэй оролцох, төлөөлөн удирдах зөвлөл, гүйцэтгэх удирдлагад өөрийнхөө нэрийг дэвшүүлэх, цаашлаад жил бүр ногдол ашиг авах эрх үүснэ. Эдгээрээс гадна, хэрвээ компани нь нэмж үнэт цаас гаргавал хувьцаанаас нь тэргүүн ээлжинд авах боломжууд ч нээлттэй болдог.

Арилжих

Таны мэдлэгт

Хувьцаа танд ямар ашигтай вэ?

Та хувьцаа эзэмшигч болсноор нэгдүгээрт, ханшийн зөрүүнээс ашиг олох боломжтой. Хоёрдугаарт хөрөнгө оруулалт хийсэн компани нь ашигтай ажиллавал жил бүр хувьцааныхаа ногдол ашгийг хүртэх замаар 2 төрлийн ашиг хийх арга байдаг.

Сонгосон компанийнхаа хувьцааг худалдан авснаар, тухайн компанийг өсөж дэвжихэд нь өөрийн бодит хувь нэмрээ оруулж байна гэсэн үг. Үүнээс гадна Хөрөнгийн зах зээл дээр ханшийн хэлбэлзэл гэдэг зүйл байдгийг мэдэж авснаар алдагдал хүлээхгүй байхад тань тусална. Учир нь хувьцааны үнэ өсөж буурах үе бий. Хэрвээ үнэ буурч байгаа үед нь эзэмшлийнхээ хувьцааг өөрийн анх авсан үнээс доогуур үнэлж зарвал алдагдал хүлээх ба харин зарахгүйгээр өсөхийг нь хүлээж, тухайн хувьцааны ханш анхны үнээсээ дээш гарсан үед нь зарвал ашиг авдаг.

Эдийн засгийн орчин

Хөрөнгө оруулах компаниа сонгохдоо эхлээд одоогийн эдийн засгийн орчин ямар байна вэ, тухайн компанийн үйл ажиллагаа явуулдаг салбар нь хэр ашигтай байна вэ гэдэгт анхаарах хэрэгтэй.

Санхүүгийн тайлан

Салбар дунд нь тухайн компанийн санхүүгийн тайланг маш сайн уншиж танилцах нь чухал. Зөвхөн салбар нь сайн гэсэн дүгнэлтэд тулгуурлан компани сонгох нь оновчтой биш.

Компанийн засаглал

Тухайн компанийн засаглал, гүйцэтгэх удирдлага хэрхэн ажилладаг, хамт хувьцаа эзэмшиж буй хөршүүд тань ямар хүмүүс байна, дангаараа том хувьцаа эзэмшигч байна уу, жижиг хувьцаа эзэмшигчдийнхээ эрх ашгийг хамгаалахын тулд ямар зарчим баримталдаг зэргийг анхаарч үзэх хэрэгтэй.

Давуу талууд

Таны хөрөнгө оруулалтын багцад "Хувьцаа" зайлшгүй байх шалтгаан

Хөрвөх чадвар

Томоохон бирж дээр арилжаалагддаг ихэнх хувьцааг амархан арилжаалах боломжтой. Энэхүү хөрвөх чадвар нь хөрөнгө оруулагчдад шаардлагатай бол түргэн хугацаанд хувьцаагаа бэлэн мөнгө болгон хөрвүүлэх боломжийг олгодог.

Ханшийн хэлбэлзэл

Хувьцаа нь урт хугацаандаа хамгийн өндөр өгөөж өгдөг хөрөнгө оруулалтын төрөл юм.
Хувьцааны ханш бага байхад хөрөнгө оруулалт хийж, өссөн үед нь зарснаар ханшийн зөрүүнээс ашиг олдог.

Ногдол ашиг

Тогтвортой үйл ажиллагаа явуулж буй ихэнх нээлттэй компаниуд олсон ашгаасаа хувьцаа эзэмшигчдэдээ ногдол ашиг олгодог.
‍

Зах зээлийн тойм

Эдийн засгийн судалгаа

Макро эдийн засгийн нөхцөл байдал

ArdNews цахим товхимол

2005 оноос эхлэн Хүчтэй - Хамтдаа нийгмээрээ, нийтээрээ хөгжье, хөрөнгөжие гэх санаачилгыг гаргаж, ХасБанкны ажиллагсдын санг үүсгэснээр Хөрөнгө Оруулагч Үндэстэн хөдөлгөөний суурь тавигдаж байсан бол үйл ажиллагаа өргөжин тэлсээр 2013 онд компанийн гол хувьцаа эзэмшигчид шинэ стратегийн зорилгоо тодорхойлж, Ард Санхүүгийн Нэгдэл хэмээх нэрэн дор үйл ажиллагаагаа явуулах түүхэн шийдвэрийг гаргасан юм. Тэр цагаас хойш Ард нэрийн дор 110 мянга гаруй хувьцаа эзэмшигч, 1.3 сая гаруй харилцагчидтай халуун бүл болж, Хөрөнгө Оруулагч Үндэстэнг цогцлоож чадсанаас санхүү, даатгал, хөрөнгийн зах зээл, технологи, дэд бүтэц, блокчэйн, хэвлэл мэдээллийн салбарт үйл ажиллагаа явуулдаг 44 компанийн 8 нь IPO хийж, олон нийтэд нээлттэй хувьцаат компани болоод байна. Тэгвэл Ард (ARD) хэмээх нэрийтгэл бүхий гал улаан өнгийг билэгдэл болгож ирсэн 12 жилийн түүхэндээ зоримог шийдвэрийг гаргаж, хөгжил дэвшлийнхээ дараагийн хуудсыг нээснээ илэрхийлэн шинэ өнгө төрхөө (Ard) танилцуулаад байна. Анх эхэлснээс хойш 20 жил, Ард гэгдэх болсноор 12 жилийг Хамтдаа туулж ирсэн, цаашид ч ганзага, дөрөө харшуулан олон он жилийг амжилт, ололтоор түүчээлэх эрхэм хөрөнгө оруулагч, хувьцаа эзэмшигч, харилцагч та бүхэндээ баярлалаа. Шинэ өнгө төрх нь бидний ээлжит өсөлт хөгжлийн илэрхийлэл бөгөөд илүү ихийг Хүчтэй - Хамтдаа байхын билэгдэл болно. Дэлхий дахинд болон Монголын өнцөг булан бүрд амьдран суугаа Ардчууд бидний Хамтын хөгжил дэвшлийн дараагийн хуудас ийнхүү шинэ өнгө төрхөөр тамгалагдлаа. Ард Санхүүгийн Нэгдэл нь Хөрөнгө Оруулагч Үндэстэнг цогцлоох эрхэм зорилгынхоо хүрээнд санхүү ба технологийн компаниудад хөрөнгө оруулалт хийдэг Монголын түүчээлэгч Финтек компани юм.

Ард Санхүүгийн Нэгдэл шинэ оныг шинэ өнгө төрхөөр эхлүүллээ

Зөвхөн танд санал болгох

Hedged stock

Бид харилцагчдадаа үйл ажиллагаа нь тогтвортой, бизнес нь ашигтай ажиллаж буй нээлттэй хувьцаат компанийн хувьцааг онцгой нөхцөлөөр санал болгодог ба хөрөнгийн зах зээлд ашигтай хөрөнгө оруулалт хийхийг хүсвэл бидэнтэй холбогдоорой.

Зөвлөхтэй холбогдох